Dugogodišnje bavljenje estetskom stomatologijom, često nas dovodi u priliku da kroz rad sa određenim pacijentom ostvarimo bliskost i tjesnu interakciju upoznajući pritom njihove probleme, strahove u vidu dubokog nezadovoljstva sobom kao i brojne druge razloge koje ih dovode u stomatološku ordinaciju. Pripremajući članak ovog puta sam odlučila da se fokusiramo na istraživanje koje obrađuje psihološki aspekt lijepog osmijeha, odnosno njegov uticaj na okolinu, emotivni i profesionalni život, kao i onoga ko ga želi.
Jedna od najzaninmljivijih studija otkriva šta je to što prvo primjetimo na određenoj osobi prilikom upoznavanja? U 47% slučajeva to je osmijeh, 31% su oči a u 11% slučajeva pri upoznavanju prevagnuo je miris, Za njih 7% najvažnija je bila odjeća, dok je na kožu pažnju obratilo samo 4% ispitanika.
Na pitanje koliko je važno imati prijatan i lijep osmijeh : 94% ispitanika je izjavilo da prilkom upoznavanja prvo primjete osmijeh pa tek onda visinu, oči ili figuru, 85% njih smatra da je lijep osmijeh važan pri prvom susretu , 71% smatra da ljudi sa lijepim osmijehom lakše sklapaju poznanstva i 33% smatra da loši zubi zasjenjuju ostale pozitivne vizuelne aspekte osobe koju smo upoznali.
OD SVIH ESTETSKIH INTERVENCIJA NA LICU I TIJELU, SVAKA ČETVRTA ODRASLA OSOBA BI PRVO PROMIJENILA ZUBE ODNOSNO OSMIJEH!
Druga studija, bavila se ispitivanjem uloge osmijeha u vezi sa uspjehom na poslu, emotivnim životom, brakom, kao i njegovim sveukupnim uticajem na samopouzdanje. Istraživanje je urađeno na uzorku od 1000 osoba između 18 i 60 godina. Rezultati izgledaju dosta zanimljivo!
Osmijeh i samopouzdanje
Istraživanja su otkrila da 64 % ispitanika smatra da su osobe sa lijepim osmijehom društvenije. Iznenađuje i perccepcija da odraslu osobu koja nosi fiksni ortodonski aparat 77% ljudi smatra osobom izrazitog samopouzdanja. Na pitanje koju karakteristiku svog lika bi najradije promjenili 25% promjenilo bi zube/osmijeh, 17% tip kože i 13% nos.
Osmijeh i suprotan pol
85% ispitanika smatra da su ljudi sa lijepim zubima mnogo atraktivniji. 84% njih smatra da je lijep i prijatan osmijeh neophodna karakteristika idealnog partnera, 33% ispitanika ne bi poljubilo osobu sa lošim zubima. Takođe 33% ispitanika ne bi preporučilo svom najboljem prijatelju sastanak na slijepo sa osobom koja ima loše zube.
Osmijeh na poslu
Ispitujući ulogu lijepog osmjeha u poslovnom okruženju došlo se do sledećih rezultata, čak 74% ispitanika da je lijep i atraktivan osmijeh bitan za dobijanje „posla iz snova“. Jedna trećina smatra da osobe sa problemima u estetici osmijeha teže napreduju u poslovnoj hijerarhiji, dok 75% njih smatra da je u određenoj mjeri izgled osmijeha bitan za uspjeh na poslu.
Osmijeh i lična higijena
Loši i zapušteni zubi za skoro polovinu ispitanika znak su loše lične higijene a samo jedna petina ispitanika bi djelila sendvič ili sladoled sa takvim osobama. Na kraju, možda ove brojke djeluju pomalo i surovo. Reći ćete , nije sve u higijeni nešto je i u faktoru naslijeđa, porodičnoj crti ili životnim okolnostima. Međutim, imajte na umu da posjeta stomatologu najčešće zahtjeva nekoliko veoma jednostavnih intervencija koje mogu znatno da poprave vaš izgled i da vas preporode.
Kao i uvijek, i najduži put počinje prvim korakom a on zavisi isključivo od nas samih!
Dr Gordana Simić
